ഇരിങ്ങാലക്കുട : പെസഹാ വ്യാഴാഴ്ച സെന്റ് തോമസ് കത്തീഡ്രല്‍ പള്ളിയില്‍ നടന്ന കാല്‍കഴുകല്‍ ശുശ്രൂഷക്കും തിരുകര്‍മങ്ങള്‍ക്കും ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിച്ചു. വികാരി ജനറാള്‍ മോണ്‍.വിന്‍സന്റ് ഈരത്തറ, കത്തീഡ്രല്‍ വികാരി, ഫാ.ഡോ ലാസര്‍ കുറ്റിക്കാടന്‍, ഫാ. ജോര്‍ജി തേലപ്പിള്ളി, അസി. വികാരിമാരായ ഫാ.ഓസ്റ്റിന്‍ പാറക്കല്‍, ഫാ.ബെല്‍ഫിന്‍ കോപ്പുള്ളി, ഫാ.ആന്റണി നമ്പളം എന്നിവര്‍ സഹകാര്‍മ്മികരായിരുന്നു. രാവിലെ നടന്ന കാല്‍കഴുകല്‍ ശുശ്രൂഷക്കും തിരുകര്‍മങ്ങള്‍ക്കും പ്രദക്ഷിണത്തിനുശേഷം രാത്രി ഏഴുവരെ ആരാധന നടന്നു. രാത്രി ഏഴിന് പൊതു ആരാധനയും, തുടര്‍ന്ന് പെസഹ അപ്പം മുറിക്കല്‍ ശുശ്രൂഷയും നടന്നു. ഇന്ന് രാവിലെ ഏഴിന് പീഢാനുഭവശുശ്രൂഷ, ഉച്ചതിരിഞ്ഞ് മൂന്നിന് പീഢാനുഭവസന്ദേശം, തുടര്‍ന്ന് നഗരികാണിക്കല്‍ എന്നിവ നടക്കും. നാളെ രാവിലെ 6.30 ന് ജ്ഞാനസ്നാനവ്രത നവീകരണം, ദിവ്യബലി എന്നിവ നടക്കും. രാത്രി 11.30 ന് ഉയിര്‍പ്പിന്റെ തിരുകര്‍മങ്ങള്‍ ആരംഭിക്കും.
