മുരിയാട് : മുരിയാട് കായലിന്റെ തെക്കേ കോള്‍പ്പാടം കര്‍ഷകസമിതിയുടെ കീഴിലുള്ള കുടിലിങ്ങപ്പടവ് മോട്ടോര്‍ ഷെഡ്ഡിന്റെ വടക്കുവശത്ത് നിന്നും 72 സെന്റീമീറ്റര്‍ ഉയരത്തിലുള്ള ഒരു കഞ്ചാവ് ചെടി ഇരിങ്ങാലക്കുട എക്‌സൈസ് റേഞ്ച് ഇന്‍സ്‌പെക്ടര്‍ പി.ആര്‍ അനുകുമാറും സംഘവും കണ്ടെത്തി. പ്രതിയെ കണ്ടെത്താത്തതിനാല്‍ പ്രതിക്കായുള്ള അന്വേഷണം ഊര്‍ജിതമാക്കി. പാര്‍ട്ടിയില്‍ അസി.എക്‌സൈസ് ഇന്‍സ്‌പെക്ടര്‍മാരായ ദിബോസ് ഇ.പി, സന്തോഷ്.എ, സിവില്‍ എക്‌സൈസ് ഓഫീസര്‍ കര്‍ണ്ണ അനില്‍കുമാര്‍, എക്‌സൈസ് ഡ്രൈവര്‍ കെ.കെ സുധീര്‍ എന്നിവരുണ്ടായിരുന്നു.
