ഇരിങ്ങാലക്കുട : ഇരിങ്ങാലക്കുട ടൗണ്‍ ലയണ്‍സ് ക്ലബ്ബും, വേളൂക്കര ഗ്രാമ പഞ്ചായത്ത് 6-ാം വാര്‍ഡ് മെമ്പര്‍ കെയറും സംയുക്തമായി സൗജന്യ മെഗാ മെഡിക്കല്‍ ക്യാമ്പ് അവിട്ടത്തൂര്‍ ഹോളി ഫാമിലി പാരിഷ് ഹാളില്‍ സംഘടിപ്പിച്ചു. വേളൂക്കര പഞ്ചായത്ത് പ്രസിഡന്റ് കെ.എസ് ധനീഷ് ഉദ്ഘാടനം ചെയ്തു. പഞ്ചായത്തംഗം ബിബിന്‍ തുടിയത്ത് അധ്യക്ഷത വഹിച്ചു. ഇരിങ്ങാലക്കുട ടൗണ്‍ ലയണ്‍സ് പ്രസിഡന്റ് ഹാരിഷ് പോള്‍, അവിട്ടത്തൂര്‍ ഇടവക വികാരി ഫാ. റെനില്‍ കാരാത്ര, വെള്ളാങ്ങല്ലൂര്‍ ബ്ലോക്ക് പഞ്ചായത്തംഗം അഡ്വ. ശശികുമാര്‍ ഇടപ്പുഴ എന്നിവര്‍ സംസാരിച്ചു. അപ്പോളോ ആശുപത്രിയും, അഹല്യ കണ്ണാശുപത്രിയും, ഡിവൈന്‍ ഹിയറിങ്ങ് ക്ലിനിക്ക് എന്നിവരുടെ സഹകരണത്തോടെയാണ് മെഡിക്കല്‍ ക്യാമ്പ് സംഘടിപ്പിച്ചത്.
